“Barselona” klubining sobiq bosh murabbiyi Xavi, agar amaldagi bosh murabbiy Paulo Fonseka iste’foga chiqsa, Italiyaning “Milan” klubini boshqarishi mumkin. Bu haqda El Nacional xabar berdi.
Manbaga ko‘ra, Xavi klub rahbariyati bilan allaqachon aloqaga chiqqan va A Seriya klubiga murabbiylik qilish borasida ijobiy fikrdaligini ma’lum qilgan.
Avvalroq OAVda Xavi “Barselona”ning sobiq futbolchilari Lionel Messi, Luis Suares, Xordi Alba va Serxio Buskets to‘p suradigan “Inter Mayami”ni boshqarishdan bosh tortgani haqida ma'lumotlar paydo bo'lgandi.
Ma’lumot uchun, Xavi o‘tgan mavsum oxirida Kataloniya klubi bosh murabbiyligidan ketgandi. Uning qo‘l ostida “Barselona” chempionlikni va Ispaniya Superkubogini qo‘lga kiritdi.
