Londonning “Chelsi” klubi ukrainalik hujumchi Mixail Mudrik bo‘yicha 2025-yil yanvar oyidagi transfer oynasi uchun rejalari haqida qaror qabul qildi.
Britaniyalik jurnalist Ben Jeykobning so‘zlariga ko‘ra, klub Mixail Mudrikni yanvar oyida ijaraga berish yoki sotish variantini ko‘rib chiqmayapti. Uning mavsum o‘rtasida “Chelsi”ni tark etishi ehtimoldan yiroq. Klub Mudrikni qo‘llab-quvvatlashda davom etmoqda va uning transferi uchun hech qanday variant qidirmayapti.
Mudrikga “Vest Hem”, “Aston Villa” va “Marsel” klublari qiziqish bildirayotgan edi.
Joriy mavsumda Mudrik “Chelsi” safida barcha turnirlarda 16 ta o‘yin o‘tkazib, 3 ta gol va 4 ta golli uzatmani amalga oshirdi. Mixail 2023-yilning yanvarida London klubiga qo‘shilgan edi.
