Gvatemala Qurolli kuchlari bosh shtabining sobiq rahbari Benedikto Lukas Garsiya genotsid va insoniyatga qarshi jinoyatlar uchun qariyb 3000 yilga qamoqqa hukm qilinishi mumkin.
Bu haqda Le Figaro nashri yozmoqda.
92 yoshli qariya 1978-yildan 1982-yilgacha mahalliy aholini qirg‘in qilishda ishtirok etganlikda ayblanmoqda. Umumiy qurbonlar soni 1200 kishidan oshdi.
Prokuratura materialida aytilishicha, sudlanuvchi “mayya Iksil” etnik guruhini yo‘q qilishga uringani aytiladi. Fuqarolar urushi paytida Gvatemala qurolli kuchlari ushbu guruh a’zolarini “ichki dushman” deb hisoblagan.
Garsiya hozirda 58 yillik qamoq jazosini o‘tamoqda.
Nashrning ma’lum qilishicha, Lukas Garsiya sog‘lig‘i sababli harbiy gospitalga o‘tkazilgan. U yerdan videokonferensaloqa orqali sud majlislarida ishtirok etib, yangi ish bo‘yicha sud majlisini kuzatib bormoqda.
