“Al-Hilol” hujumchisi Neymar Saudiya klubini tark etishi mumkin.
Goal nashrining xabariga ko‘ra, yanvar oyida Neymar klub bilan shartnomani bekor qiladi. Braziliyalik futbolchi allaqachon “Santos” klubiga rozilik bergan.
32 yoshli o‘yinchi joriy mavsum 2 ta o‘yinda ishtirok etdi va golli vaziyatlarda ishtirok etmadi.
Eslatib o‘tamiz, Neymar 2023-yilning avgustida “Al-Hilol” bilan shartnoma imzolagandi. Futbolchining klub bilan amaldagi shartnomasi 2025-yil yozigacha amal qiladi.
Neymar “Santos” klubi tarbiyalanuvchisi hisoblanadi va 2009-yildan 2013-yilga qadar ushbu klub sharafini himoya qilgan.
Transfermarkt portaliga ko‘ra hujumchining hozirgi qiymati 30 million yevroni tashkil etadi.
