Futbol bo‘yicha Angliya chempionatining 9-turidan o‘rin olgan uchrashuv bo‘lib o‘tdi. Unda “Arsenal” o‘z maydonida “Liverpul” jamoasi bilan kuch sinashdi.
Uchrashuvning 9-daqiqasida Bukayo Saka londonliklarni hisobda oldinga olib chiqdi. 18-daqiqada Virjil van Deyk muvozanatni tikladi. Birinchi bo‘lim oxirida Mikel Merino “kanonirlar”ning ikkinchi goliga mualliflik qildi.
Ikkinchi bo‘limda esa jamoalar bir-birining darvozasi oldida xavfli vaziyatlarni yaratdi. 81-daqiqaga kelib, Muhammad Saloh hisobni tenglashtirdi. Shu tariqa o‘yin 2:2 hisobidagi jangovar durang bilan yakunlandi.
Ushbu durangdan keyin mersisaydliklar 22 ochko to‘pladi va 2-o‘ringa tushdi. “Arsenal” esa 18 ochko bilan 3-o‘rindan joy oldi.
APL
9-tur
27-oktyabr, yakshanba
“Arsenal” — “Liverpul” 2:2
Gollar: 1:0 – 9 Saka, 1:1 – 18 van Deyk, 2:1 – 43 Merino, 2:2 – 81 Saloh.
“Arsenal”: Rayya, Timber (Lyuis-Skelli, 76), Gabriel (Kiver, 54), Uayt, Parti, Martinelli (Nvaneri, 85), Merino, Rays, Saka (Gabriel Jezus, 85), Haverts, Trossard.
“Liverpul”: Kelleher, Robertson (Simikas, 63), van Deyk, Konate, Aleksander-Arnold, Mak Allister (Soboslai, 63), Gravenberx, Dias (Gakpo, 63), Jons (Endo, 90+1), Saloh, Nunyes.
Ogohlantirishlar: Mak Allister (33), Rayya (66), Slot (72), Nunyes (90+4), Gabriel Jezus (90+8).
