Ukrainalik bokschi Oleksandr Usik nega hamon faoliyatini davom ettirayotganini aytib o‘tdi.
“Boksdagi yo‘limni bosib o‘tdim? Boks — mening hayotim, bu bilan shug‘ullanish menga zavq beradi. Olimpiada oltin medali va ikki marta mutlaq chempionlik faoliyatini yakunlash degani emas. Balki bu hali boshlanishidir?”, — deydi og‘ir vazn toifasida jahon chempioni.
Usik 2012-yilda boks bo‘yicha Olimpiada chempioniga aylangan edi. Professional boksda esa birinchi og‘ir va og‘ir vazn toifasida mutlaq jahon chempionligini qo‘lga kiritgan.
Eslatib o‘tamiz, Usikning so‘nggi jangi 19-may tongida Saudiya Arabistonida bo‘lib o‘tgandi. Tayson Fyuriga qarshi jang 12 raund davom etgan va ukrainalik sportchining ochkolar hisobidagi g‘alabasi bilan yakunlangan. To‘qqizinchi raundda Oleksandr Taysonni nokautga uchratgan, ammo britaniyalik jangni davom ettirishga kuch topa olgandi.
