“Barselona” klubi akademiyasi bitiruvchisi, ispaniyalik Lamin Yamal butun faoliyatini Kataloniya klubi bilan o‘tkazishni xohlashini aytdi.
“Kimdir men uchun 120 millionni to‘lashini xohlamayman. Umid qilamanki, “Barsa”ni hech qachon tark etmayman, men klubda afsonaga aylanishni xohlayman”, dedi Yamal El Hormiguero telekanalida.
Transfermarkt futbol tahlili portali “Barselona”ning 17 yoshli hujumkor yarim himoyachisi Lamin Yamalning transfer qiymatini 120 million yevroga baholadi. Ushbu mavsumda futbolchi klub uchun barcha turnirlarda to‘rtta o‘yinda qatnashib, bitta gol va to‘rtta golli uzatmaga mualliflik qilgan. Yamal va “Barsa” o‘rtasidagi amaldagi kelishuv 2026-yilning yoziga qadar amal qiladi.
Lamin Yamal Ispaniya terma jamoasi safida 16 ta o‘yinda qatnashib uchta gol urishga muvaffaq bo‘ldi. 2024-yil bo‘lib o‘tgan Yevropa Chempionatida eng yaxshi yosh o‘yinchi bo‘lgan Yamal jamoasi bilan bosh sovrinni qo‘lga kiritdi.
Izoh (0)