Rossiyada og‘ir vaziyatga tushib qolgan ona va bola O‘zbekistonga qaytarildi

Rossiyada og‘ir vaziyatga tushib qolgan ona va bola o‘zbekistonga qaytarildi, deb xabar bermoqda “Dunyo”.

Unga ko‘ra, Novosibirsk aeroportida Sibir poytaxtida og‘ir hayotiy vaziyatga tushib qolgan O‘zbekiston fuqarolari bo‘lgan 17 yoshli bola va uning onasini vatanga kuzatish marosimi bo‘lib o‘tdi. Mamlakat Bosh konsulxonasi voyaga yetmagan bolaning O‘zbekistonga qaytishi uchun zarur bo‘lgan hujjatlarini Rossiya tomonidan talab qilib olishda tezkor ko‘mak ko‘rsatdi. Natijada bola o‘z onasiga qaytarildi.

Ular “S7” aviakompaniyasi samolyotida O‘zbekistonga jo‘nab ketgan.

Shu kunlarda Rossiyaning turli hududlarida qarovsiz qolib ketgan 31 nafar bola O‘zbekistonga qaytarilgan. 25-avgust kuni 9 nafar bola, bundan avval 22 nafar bola (13 nafari — Sankt-Peterburg shahridan, 9 nafari — Moskva shahridan, 8 nafari — Novosibirsk shahridan, 1 nafari — Qozon shahridan olib kelingan) Ichki ishlar vazirligi vakillari hamrohligida qaytarildi.