AQShda bo'lib o'tayotgan Solar Power International 2024 xalqaro ko'rgazmasida BENKAM ishlab chiqarish majmuasi quyosh energiyasi uchun alyuminiy mahsulotlarini namoyish etdi.
9-12 sentyabr kunlari AQSHning Kaliforniya shtati Anaxaym shahrida Solar Power International 2024 xalqaro ko‘rgazmasi bo‘lib o‘tmoqda. Ko‘rgazmada dunyoning 36 mamlakatidan 1300 dan ortiq kompaniya ishtirok etmoqda.
Solar Power International quyosh energetikasi sohasidagi eng yirik xalqaro ko‘rgazmalardan biridir. Ushbu tadbir quyosh energiyasi sohasidagi so‘nggi yutuqlar va innovatsiyalarni namoyish qilish uchun etakchi platforma hisoblanadi.
Nufuzli xalqaro ko‘rgazmada O‘zbekistonning yagona vakili BENKAM hisoblanadi. BENKAM stendida ishlab chiqarish majmuasining texnik imkoniyatlari, shu bilan birga quyosh energetikasi uchun alyuminiy komponentlarining namunalari taqdim etilmoqda. Xususan, anodlangan alyuminiy profillardan yasalgan quyosh panellari uchun karkaslar va boshqa turdagi komponentlar.
BENKAM Markaziy Osiyodagi eng yirik alyuminiy ekstruziya zavodlaridan biri bo‘lib, barqaror rivojlanishga alohida e’tibor qaratadi.
Ishlab chiqarish majmuasi qayta tiklanadigan energiya manbalariga va ekologik toza alyuminiydan tayyorlangan yangi turdagi mahsulotlarni ishlab chiqishga faol sarmoya kiritmoqda.
BENKAMning eng yangi ishlanmalaridan biri Green-Ex va ReGreen-Ex brendlari ostidagi xavfsiz, past uglerodli va ekologik toza alyuminiy profillari.
Issiqxona gazlari chiqindilarini minimallashtirish maqsadida Green-Ex profillarini ishlab chiqarish uchun ekologik standartlarga javob beradigan past uglerodli alyuminiy xom ashyosidan foydalaniladi.
Ushbu standartlarga rioya qilish talabi texnologik zanjirning barcha bosqichlarida — boksitni qazib olishdan boshlab birlamchi xom ashyoni ishlab chiqarish va BENKAM ishlab chiqarish majmuasiga нetkazib berishgacha nazorat qilinmoqda.
Solar Power International 2024 ko‘rgazmasida ishtirok etish BENKAM ishlab chiqarish majmuasiga barqaror rivojlanish sohasidagi yutuqlarini namoyish etish, shuningdek, quyosh energiyasi uchun alyuminiy komponentlarini ishlab chiqarish bo‘yicha jahon bozoridagi o‘z o‘rnini mustahkamlash imkonini beradi.
Reklama huquqi asosida.
Izoh (0)