Irlandiyalik aralash jang san’atlari sportchisi (MMA), ikki vazn toifasida UFC’ning sobiq chempioni Konor Makgregor Irlandiya prezidenti bo‘lishni xohlamoqda.
Makgregor 2025-yilda Irlandiya prezidentligiga nomzodini qo‘yishiga shama qildi.
“Prezident sifatida menda Doylni (Irlandiya parlamentining quyi palatasi) chaqirish va uni tarqatib yuborish huquqi bo‘ladi. Shunday qilib, yuqorida aytganimdek, Irlandiya xalqi bu qaroqchilar, oilaviy an’analarni buzuvchi va kichik biznesni ta’qib qiluvchilardan olishga harakat qilayotgan barcha javoblarni olaman.
Hokimiyatdagi bu qalloblar xalqimiz oldida javob beradi. Va men buni qilaman.
Irlandiyaga xalq tomonidan saylangan faol prezident kerak. Bu — men. Men yagona, mantiqiy tanlovman. 2025-yil yaqinlashmoqda”, deb yozdi Konor Makgregor X (sobiq Twitter) ijtimoiy tarmog‘idagi sahifasida.
Makgregor o‘zining so‘nggi jangini 2021-yilning yozida o‘tkazib, amerikalik Dastin Poryega texnik nokaut bilan yutqazgandi. Ushbu jangda irlandiyalikning oyog‘i singan va shu sabab jangni davom ettira olmagan edi.
