AQSH prezidentining o‘g‘li Hanter Bayden soliq to‘lashdan bo‘yin tovlaganlik bo‘yicha aybini rasman tan oldi. Gap ayblovga oid to‘qqizda punkt haqida bormoqda. Ulardan uchtasi AQSH qonunchiligiga ko‘ra og‘ir soliq jinoyatlari sifatida tasniflanadi. Bu haqda CNN xabar berdi.
![](/static/2024/09/06/photo_2024-09-06_10-44-53-rbB4Sd9Z.jpg)
Tramp tomonidan tayinlangan sudya hukmni 16-dekabrga belgiladi. Prezident Jo Baydenning o‘g‘li endi soliq to‘lashdan bo‘yin tovlash, soxta soliq deklaratsiyalarini taqdim etish va soliqlarni to‘lamaslik kabi jinoyatlari uchun 17 yilgacha qamalishi mumkin. Bundan tashqari, kichik Bayden 1,3 million dollargacha jarimaga tortilishi kutilmoqda.
Hanter Bayden sud zalida unga hech qanday bosim o‘tkazilmagani va bunday qadam evaziga hech narsa va’da qilinmaganini aytdi. Aybni tan olish kichik Baydеnni oshkora sud jarayonidan qutqaradi.
Bu jarayonda guvohlar uning xarajatlari hamda giyohvand moddalarni istе’mol qilgani haqidagi noxush tafsilotlarni ochiqlashi mumkin edi.
2023-yil dekabrda Hanter Baydenga to‘qqiz bandli soliq to‘lamaslik ayblovlari qo‘yilgan. Prokuraturaning ta’kidlashicha, prezidentning o‘g‘li millionlab dollarni “soliq to‘lash o‘rniga hashamatli turmush tarziga” sarflagan.
Izoh (0)