UFC shon-shuhrat zali aʼzosi, yengil vaznda sobiq UFC chempioni rossiyalik Habib Nurmagomedov Federal soliq xizmati oldidagi barcha qarzlarini to‘ladi. Bu haqda SHOT Telegram kanali xabar berdi.
Eslatib o‘tamiz, 2024-yilning 1-iyulida Federal Soliq xizmati Nurmagomedovning 297 million rubl qarzi tufayli hisoblarini hibsga olgani, shuningdek, uning bir qancha kompaniyalarini yopib qo‘ygani, bunga rasmiy hujjatlardagi ishonchsiz ma’lumotlar sabab bo‘lgani ma’lum qilingan edi.
Habib Nurmagomedov 2020-yilning 24-oktabrida UFC 254 musobaqasida oktagondagi oxirgi jangini o‘tkazgan. Ushbu musobaqadagi jang orqali Habib ketma-ket uchinchi bor chempionlik kamarini himoya qilgan. Unga Jastin Getji raqiblik qilgandi. Nurmagomedov Getjini bug‘ish usuli bilan muddatidan oldin mag‘lub etgan. Bu dog‘istonlik jangchining 29-g‘alabasi edi. Jangdan so‘ng sportchi faoliyatini yakunlaganini e’lon qildi.
Izoh (0)