“Universal askar” (1992), “Qochishga joy yo‘q” (1993), “Qaltis nishon” (1993) kabi filmlar yulduzi, 63 yoshli taniqli amerikalik aktyor Jan-Klod Van Damm oradan 36 yil o‘tib, o‘z davrida mashhur bo‘lgan suratini qayta gavdalantirdi, deb yozadi “Nur.kz” nashri.
Aktyor Instagram tarmog‘idagi sahifasida 36 yillik farqqa ega suratni joylashtirdi va postda quyidagicha izoh qoldirdi:
“27 yoki 63 — necha yosh bo‘lishingizdan qat’i nazar, ish hech qachon to‘xtamaydi. Ayniqsa, jang san’ati olamida yashaydigan insonlar uchun yosh ko‘rsatkichi bu shunchaki raqamdir. Qat’iy intizom, diqqatni jamlash va jasorat ila tarixni birgalikda yaratishda davom etaylik”, deb yozdi jang san’ati ustasi Van Damm.
Qisqa vaqt ichida post 170 mingdan ortiq layk yig‘di. Muxlislar ushbu surat ostida ijobiy izohlarini qoldirdi:
“Siz haqiqiy afsonasiz, butun dunyoga taqdim etgan tarixda o‘chmas obrazlaringiz uchun sizga rahmat aytamiz”, “Mening eng sevimli aktyorim, siz har doim eng zo‘r jangari filmlar qahramoni bo‘lib qolasiz”, “Menga doim ilhom bergansiz” deya muxlislar sevimli aktyorini e’tirof etdi.
Ma’lumot uchun: haqiqiy ismi Jan-Klod Kamil Fransua Van Varenberg bo‘lgan Jan-Klod Van Damm 1960-yilda Belgiyada tug‘ilgan. 18 yoshida bo‘lajak aktyor karate bo‘yicha qora belbog‘ olgan va bodibildingda “Janob Belgiya” unvonini qo‘lga kiritgan. 1979-yilda Van Damm “It va bo‘ri orasidagi ayol” filmida debyut qilgan.
Jangari filmlar yulduzi “Qaltis nishon” (1993) va “Vaqt patruli” (1994), “Replikant” (2001), “Jahannamda” (2003), “Ikkinchi qo‘mondon” (2006) va boshqa ko‘plab filmlarda ishtirok etgan.
Izoh (0)