Fransiyaning Parij shahrida yozgi Olimpiada bahslarida boks musobaqalari ham davom etmoqda.
-57 kg vazn toifasida harakat qiladigan Abdumalik Halokov turnirdagi ikkinchi jangini ispaniyalik Xose Kuiles Brotonsga qarshi o‘tkazdi.
O‘zbekistonlik bokschi birinchi raundda to‘liq ustunlik qildi: 5:0. Ikkinchi raundda ham Abdumalik Halokov xotirjamlikni saqlab o‘z ustunligini namoyish qildi.
So‘nggi raundda ham sportchi o‘z imkoniyatlarini ko‘rsatdi va hakamlarning yakdil qarori bilan g‘alaba qozondi. Shu tariqa o‘zbekistonlik bokschi yarim finalga yo‘l oldi.
Abdumalik Halokov Shvetsiya vakili Nebil Ibrahimga qarshi jang qilib g‘alaba qozongan edi.
Rossiyaning Xabarovsk shahri mezbonlik qilayotgan boks bo‘yicha “Konstantin Korotkov xotira turniri”da Abdumalik Halokov g‘alaba qozongan edi.
2000-yil 9-aprelda Buxoroda tug‘ilgan bokschi Osiyo va Jahon chempionati sovrindori hisoblanadi.
