“Sevgi iztirobi” va “Istanbulning ikki yuzi” kabi seriallar yulduzi Neslihan Atagul farzand kutayotganini ma’lum qildi. Yangilik bir zumda barcha ijtimoiy tarmoqlarga tarqaldi.
Aktrisa 2016-yil iyul oyida “Ishq sohillari” serialida tanishib qolgan Kadir Do‘g‘ulu bilan turmush qurgan. Ko‘pchilik muxlislar yulduzli oilaning sog‘lig‘i tufayli ota-ona bo‘la olmaganini taxmin qilar edi. Kuni kecha Neslihan o‘zining Instagram sahifasida homilador ekanligini tasdiqladi. Bunday xushxabar posti ostida minglab muxlislar aktrisaga tabrik so‘zlarini yoza boshladi.
“Biz bu baxtni yana bir muddat sir saqlamoqchi edik. Rostini aytsam, bu bizning huquqimiz ham edi... Qisqasi, biz baxtiyormiz, mamnunmiz va o‘zimizni yaxshi his qilyapmiz”, deb yozdi Atagul.
Surat joylashtirilgandan bir soat o‘tib aktrisa ushbu post ostidagi izohlarni yopib qo‘ydi. Katta ehtimol bilan u turmush o‘rtog‘i Kadir Do‘g‘uluga nisbatan yomon so‘zlar hamda Burak O‘zchivit va Fahriye Evjen muxlislari tomonidan yoziladigan salbiy fikrlar ushbu postda bo‘lishini istamagan.
Foto: Instagram
Izoh (0)