Professional boksda mag‘lubiyatsiz harakat qilayotgan Shahram G‘iyosov navbatdagi jangini 31-iyul kuni Migel Perraga qarshi jang qiladi. Ushbu jang Los-Anjeles shahrida bo‘lib o‘tadi.
Ushbu kunda Isroil Madrimov va Terens Krouford ochiq mashg‘ulotlarda ishtirok etadi. Mashg‘ulotlardan so‘ng esa kichik 3 ta jangdan iborat boks oqshomi bo‘lib o‘tadi.
Shahram so‘nggi jangini fevral oyida Pablo Sezar Kanoga qarshi o‘tkazib, ochkolar evaziga g‘alaba qozongandi. Hozirda Shahram G‘iyosovning professional boksda 15 ta g‘alabasi mavjud.
Avvalroq o‘zbekistonlik bokschi Shahram G‘iyosov Madrimov—Krouford kardida jang qilishi mumkinligi xabar qilingan edi.
Jang 3-avgust kuni bo‘lib o‘tadi. Hozirda ikki o‘zbekistonlik bokschi Amerikada mashg‘ulotlarda qatnashmoqda.
