“Qirg‘izelektronika” ochiq aksiyadorlik jamiyati “Meken” noutbuklarini yig‘ishni boshladi. Bu haqda kompaniya matbuot xizmatiga tayanib, “24.kg” xabar berdi.
Korxona Xitoyning mashhur Clovertek Industries kompaniyasining Acer va Lenovo kabi ko‘plab jahon brendlari buyurtmasi bo‘yicha noutbuklar, planshetlar uchun butlovchi qismlar ishlab chiqaruvchi elektron hisoblash mashinalari va uskunalarining sinov namunalarini olgan.
Vazirlik ma’lumotlariga ko‘ra, bu Qirg‘iziston fuqarolariga, shu jumladan, o‘quvchi va talabalarga sifatli noutbuk, xrombuk va planshetlarni arzon narxlarda sotib olish imkonini beradi.
Qo‘shni respublikada rasmiylar har bir maktab o‘quvchisi uchun noutbuk sotib olishni rejalashtirmoqda. Vazirlar Mahkamasi maktablarda raqamli transformatsiyani bosqichma-bosqich yo‘lga qo‘ymoqda.
“Birinchi bosqichda har bir o‘qituvchini noutbuk bilan taʼminlash va uni qayta tayyorlash zarur. Har bir shahar va qishloqdagi o‘qituvchilar eng ilg‘or kadrlar bo‘lishi kerak. So‘ng har bir o‘quvchiga noutbuk sotib olish rejalashtirilgan. Bunda har bir bolada shaxsiy o‘qituvchi va kecha-yu kunduz bilim olish imkoniyati bo‘ladi”, degan edi Vazirlar Mahkamasi raisi Oqilbek Japarov.
Izoh (0)