Ukraina Shimoliy Atlantika Shartnomasi Tashkilotiga (NATO) qo‘shilish shartlarini tezda bajara oladi. Bu haqda AQSH davlat kotibi Entoni Blinken ma’lum qildi.
“NATOga aʼzo bo‘lish jadvali turli talablarning bajarilishiga bog‘liq, ammo ishonamanki, biz ishlab chiqqan choralar Ukrainaga bu maqsadga tezda erishishda yordam beradi”, dedi Blinken.
Tashqi siyosat departamenti rahbari, shuningdek, Vashington Kiyev bilan Amerika qurollaridan foydalanish bo‘yicha masalalarni muhokama qilishda davom etishini, vaziyatga qarab bu boradagi pozitsiyasini o‘zgartirishini tasdiqladi.
Avvalroq Ukraina TIV rahbari Dmitriy Kuleba mamlakat NATOga tezroq a’zo bo‘lishi kerakligi haqida aytib o‘tgandi.
“Biz Ukrainaning NATOga qo‘shilishini nishonlash uchun yana 75 yil kuta olmaymiz. Bu vaqtliroq amalga oshishi kerak, chunki NATOga a’zo bo‘lishimiz Yevro—Atlantika mintaqasida strategik xavfsizlik va barqarorlikni ta’minlashning yagona yo‘li”, degandi vazir.
Izoh (0)