Vazirlar Mahkamasining qarori bilan litsenziya va ruxsat berish jarayonlarini soddalashtirish munosabati bilan hukumatning ayrim qarorlariga o‘zgartish va qo‘shimchalar kiritildi, deb xabar beradi Norma.
Prezidentning farmoniga muvofiq “Eksport nazorati obyektlarini olib chiqish uchun ruxsatnoma” va “Maxsus tovarlarni eksport va import qilish uchun litsenziya” hujjatlari bitta turga — “Maxsus tovarlarni eksport va import qilish uchun ruxsatnoma”ga birlashtirilgan edi. Hujjat bilan quyidagilarga taalluqli o‘zgartish va qo‘shimchalar kiritilmoqda:
- ruxsat beruvchi hujjatlarning ikki turini bittaga birlashtirish;
- tovarlarning maxsus turlarini eksport va import qilish uchun litsenziya pasportini tasdiqlash;
- O‘zbekiston prezidenti va hukumati qarorlariga muvofiq eksport qilinishi lozim bo‘lgan tovarlar va mahsulotlarni eksport qilish uchun ruxsatnoma pasportini tasdiqlash;
- ayrim ruxsat berish jarayonlarini, shuningdek, litsenziyalash va avtorizatsiya jarayonlaridagi takrorlanuvchi jarayonlarni bekor qilish;
- litsenziyalash, ruxsatnomalar va xabardor qilish sohasidagi vakolatli organlar nomlarini davlat boshqaruvida amalga oshiriladigan maʼmuriy jarayonlar bilan muvofiqlashtirish;
- litsenziyalar va ruxsatnomalar tabiati bilan bog‘liq hujjatlarni berish muddatlarini ish kuniga ko‘chirish.
Xususan, asosiy o‘zgartishlar 2022-yilda hukumqat qarori bilan tasdiqlangan Maxsus elektron tizim orqali ayrim faoliyat turlarini litsenziyalash tartibi to‘g‘risidagi yagona nizomga kiritilmoqda.
Hujjat Qonun hujjatlari maʼlumotlari milliy bazasida davlat tilida eʼlon qilingan va 2024-yil 15-iyuldan kuchga kirgan.
Eslatib o‘tamiz, 2023-yil avgustda Vazirlar Mahkamasining “Harbiy maqsadga mo‘ljallangan mahsulotlar muomalasi hamda bo‘shatilayotgan harbiy-texnika vositalarini tugatish va qayta ishlash sohasidagi faoliyat turlarini litsenziyalash to‘g‘risidagi nizomni tasdiqlash haqida”gi qarori qabul qilingan edi.
Izoh (0)