18-iyun kuni Italiya janubiy qirg‘oqlari yaqinida Ion dengizida migrantlarni olib ketayotgan qayiq cho‘kib ketishi oqibatida 34 kishi halok bo‘ldi. Ularning jasadlarini topishga bir necha kun kerak bo‘ldi, deb xabar beradi mahalliy Corriere della Calabria gazetasi.
Hodisa Kalabriyadan 120 mil uzoqlikda sodir bo‘lgan. Kema bortida jami 66 kishi bo‘lgani taxmin qilinmoqda.
O‘lganlarni qidirish uchun samolyotlar ham jo‘natildi. Halokat qurbonlarining jasadlari Sohil xavfsizlik xizmati kemalarida olib ketilmoqda. Halok bo‘lganlarning sakkiz nafari voyaga yetmaganlardir.
May oyida Yevropa Ittifoqi Kengashi migratsiya qonunchiligini isloh qilish, migrantlarga nisbatan siyosatni kuchaytirishni ma’qulladi. Bu qarorga kelish uchun Yevropa Ittifoqiga 10 yil kerak bo‘ldi. Ammo Yevropa Ittifoqining ko‘plab davlatlari ko‘zda tutilgan qadamlarni behuda deb hisobladi.
Tashkilotga a’zo 19 ta davlat Yevropa Komissiyasini tegishli arizalar ko‘rib chiqilayotgan vaqtda boshpana izlovchilarni uchinchi davlatlarga yuborish uchun muzokaralar olib borishga chaqirdi.
Izoh (0)