Yaponiyada odamni 48 soat ichida o‘ldirishga qodir “go‘shtxo‘r bakteriya” nomli kasallik tarqalmoqda. Bu haqda Bloomberg xabar berdi.
Qayd etilishicha, gap A guruhiga kiruvchi — beta-gemolitik gramm-musbat bakteriya, havo tomchilari va aloqa orqali yuqadigan oddiy streptokokk haqida ketmoqda. Odatda kasallanish tomoqdan boshlanadi.
Odamlar tez-tez streptokokk bilan, xususan, “go‘shtxo‘r bakteriya” nomini olgan A guruhidagi streptokokk bilan kasallanib turadi. Ammo bakteriyani yuqtirib olganlarning hammasida ham streptokokk toksik shok sindromi kuzatilmaydi, — deb yozadi nashr.
Streptokokk toksik shok sindromi organizm uchun noodatiy reaksiyani keltirib chiqaradi. U qo‘l va oyoqlarda og‘riq bilan boshlanib, istma va qon bosimi pasayishi sabab rivojlanib ketadi.
O‘lim holatlarining aksariyati 48 soatda sodir bo‘ladi. Bemor tongda tovonida shish paydo bo‘lganini sezsa, tushlikka borib u tizzaga tarqaladi. Inson 48 soat ichida vafot etishi mumkin”, — deydi Tokio tibbiyot universiteti professori Ken Kikuchi.
Uning ma’lumotlariga ko‘ra, kasallikning hozirgi tarqatlish jarayoni oqibatida Yaponiyada 2024-yilda 2,5 ming kishi vafot etishi mumkin. Professor o‘z hamkasblari va odamlarni vahimaga berilmaslik hamda “elementar gigiyenaga” rioya qilishga chaqirdi.
2-iyun holati bo‘yicha Yaponiyada 977 ta streptokokk toksik shok sindromi aniqlangan. Kasallikni 1999-yildan beri kuzatib kelayotgan Yuqumli kasalliklar milliy instituti ma’lumotlarda keltirilishicha, o‘tgan yili 941 kishida ushbu bakteriya aniqlangan.
Izoh (0)