Yevropa Ittifoqining Lyuksemburgdagi Adliya sudi Budapeshtning boshpana izlovchilarga nisbatan siyosati tufayli Vengriyaga nisbatan moliyaviy sanksiyalar joriy qildi.
Hujjatda aytilishicha, Vengriya Yevropa Ittifoqining boshpana berish bo‘yicha umumiy qoidalariga amal qilmagani uchun mamlakat 200 million yevro jarima to‘lashi kerak. Bundan tashqari, 13-iyundan boshlab Budapeshtdan YI Adliya sudining 2020-yil dekabrdagi qarorini bajarish kechiktirilgan har bir kun uchun bir million yevro undirilishi kerak.
YI sudining qarorida Yevrokomissiya shikoyatiga ko‘ra, Vengriya muhojirlarni qonuniy himoyasini ta’minlamasdan, ularni tranzit zonalarda ushlab turish orqali Serbiya hududiga qaytarib yuborayotgani nazarda tutilgan.
Yevropa komissiyasining fikricha, Vengriya 2020-yilgi qarorga hali ham amal qilmagan va shuning uchun moliyaviy sanksiyalar qo‘llash uchun yangi huquqbuzarlik da’vosi bilan murojaat qildi, — deya eslagan Yevropa Ittifoqi sudi.
Sud qaroriga ko‘ra, Budapeshtning boshpana siyosati shafqatsiz va Yevropa Ittifoqi qonunlarining mutlaqo yangi va o‘ta jiddiy buzilishi bo‘lib, bu ham xususiy shaxslarga, xususan, boshpana izlovchilarga hamda jamoat manfaatlariga ta’sir qiladi. Sudyalarga ko‘ra, Vengriya qochqinlar uchun moliyaviy javobgarlikni boshqa YI mamlakatlariga o‘tkazadi. Bu esa birdamlikning asosiy tamoyiliga jiddiy tahdid soladi.
Izoh (0)