O‘zbekistonda may oyida energiyadan noqonuniy foydalanish bilan bog‘liq qariyb 490 ta ish rasmiylashtirilgani ma’lum qilindi.
Qayd etilishicha, Energetika vazirligi huzuridagi “O‘zenergoinspeksiya” tomonidan elektr energiyasi va tabiiy gazdan foydalanishda qonun-qoidalarga rioya etilishi yuzasidan doimiy nazorat tabirlari o‘tkazilib kelinmoqda. May oyida iste’molchilar tomonidan energiya resurslaridan foydalanish qoidalarini buzish bilan bog‘liq huquqbuzarlik bo‘yicha 489 ta ma’muriy ish rasmiylashtirildi.
Xususan, o‘tkazilgan nazorat tabirlarida aniqlangan holatlarning 312 tasi elektr energiyasi, 177 tasi esa tabiiy gazdan foydalanishda qoidabuzarlikka yo‘l qo‘yilgani ma’lum bo‘ldi.
O‘zbekistonda o'tgan oy — aprelda energiya resurslaridan foydalanish qoidalarini buzish bilan bog‘liq 600 ta ma’muriy ish rasmiylashtirilgan edi.
Izoh (0)