Qozog‘istonning Abay viloyatida 156 million kub metrdan ortiq suv to‘plash imkoniyatiga ega beshta yangi suv ombori quriladi. Bu haqda suv xo‘jaligi va irrigatsiya vaziri Nurjon Nurjigitovga tayanib, “Ulysmedia.kz” xabar berdi.
23-may kuni vazirlik Urjar viloyati Keldimurot va Ko‘kterek daryolarida mos ravishda 30 million va 31,4 million kub metr hajmga ega ikkita suv ombori qurilishini ta’kidlagandi. Ko‘kpektin tumanida 30 million kub metr, Oqsuat viloyatida esa ikkita 20 million va 45 million kub metr sig‘imli suv omborlari qurish rejalashtirilgan.
“Yangi suv omborlari mahalliy aholi turmush darajasini sezilarli darajada yaxshilaydi, viloyat iqtisodiy taraqqiyotiga muhim hissa qo‘shadi, qishloq xo‘jaligini barqaror suv bilan ta’minlaydi”, — deydi Nurjon Nurjigitov.
Ma’lumot o‘rnida, qo‘shni Qozog‘istonning to‘qqizta viloyatida 2024–2026-yillarda 2,4 kilometr kub bo‘lgan 20 ta yangi suv ombori qurilish rejalashtirilgan. Bu sug‘oriladigan yerlar maydonini 250 ming gektarga oshiradi, 137 ming aholi istiqomat qiladigan 70 ta qishloq aholi punktlarida suv toshishi xavfini kamaytiradi va Qozog‘istonning suv ta’minoti bo‘yicha qo‘shni davlatlarga qaramligini o‘rtacha 25 foizga qisqartiradi.
Izoh (0)