Xabi Alonso jamoasi mag‘lubiyatsiz seriyani 50 taga yetkazdi (video)

Futbol bo‘yicha Bundesliganing 33-turida “Bayer” safarda “Boxum” mehmoni bo‘ldi.

Unda chempion klub mezbonlar darvozasiga javobsiz 5 ta gol urdi. Uchrashuvning birinchi bo‘lim so‘nggi daqiqalarida Shik hisobni ochdi. Birinchi bo‘limga qo‘shib berilgan daqiqalarda belgilangan penaltini aniq amalga oshirgan Bonifase hisobni 0:2 ga yetkazdi. 

Ikkinchi bo‘limda Adli, Stanishich hamda Grimaldo o‘z hisobiga gollar yozdirib, jamoasining yirik hisobdagi g‘alabasiga hissa qo‘shdi. 

Shu tariqa Alonso jamoasining barcha turnirlar doirasida mag‘lubiyatsiz seriyasi 50 ta o‘yinga yetdi. Leverkuzen klubi 352 kundan beri yutqazmayapti. 

Bundesliga

33-tur bahsi

“Boxum” — “Bayer” 0:5

Gollar: 0:1 — Shik (41), 0:2 — Bonifase (45+2, penalti), 0:3 — Adli (76), 0:4 — Stanishich (86), 0:5 — Grimaldo (90+3). 

“Boxum”: Rimann, Passlak, Ordets, Shlotterbek, Bernardo (Mashovich, 46), Vittek, Losilla (Bero, 61), Shteger, Osterxage, Asano (Ermann, 20), Hofmann (Dashner, 61).

“Bayer”: Gradetski, Stanishich, Ta, Tapsoba, Kossunu (Hofmann, 64), Artur, Jaka (Puerta, 80), Andrix, Tella (Grimaldo, 80), Shik (Adli, 69), Bonifase (Iglesias, 69).

Ogohlantirishlar: Tella (27), Shlotterbek (45+1), Ordets (63).

Chetlatish: Passlak (15).