Qozog‘istonning Olmaota shahrida 16 yoshdan oshgan 15 mingdan ortiq shaxsning shaxsiy guvohnomasi yo‘q, deya “Polisia.kz” xabar berdi.
Xabarga ko‘ra, Olmaotada yashovchi qariyb 15 ming fuqaro 16 yoshga to‘lganiga qaramay Qozog‘iston respublikasi fuqarosining shaxsiy guvohnomasini olmagan.
Qozog‘iston respublikasi fuqarosining shaxsini tasdiqlovchi hujjatlarni rasmiylashtirish bo‘yicha davlat xizmatlarini olish uchun 16 yoshga to‘lgan fuqarolar xizmat ko‘rsatuvchiga quyidagilarni taqdim qilishi kerak:
- 16 yoshga to‘lgan shaxsning tug‘ilganlik haqidagi guvohnomasining asl nusxasi;
- hujjatlashtirilgan shaxsning shaxsan mavjudligi;
- ota-onalardan biri yoki qonuniy vakilining majburiy ishtiroki.
Hujjatlarni ko‘rib chiqish muddati dam olish va bayram kunlaridan tashqari 15 ish kunini oladi. Hujjatlarni tezkor ishlab chiqarish xizmati ham mavjud.
Ma’lumot uchun, bir oydan ortiq shaxsni tasdiqlovchi hujjatlarsiz yashash ma’muriy javobgarlikka sabab bo‘ladi.
Izoh (0)