Turkiyaga ishlashga ketgan o‘zbekistonlik Istanbulda yashirin ravishda faoliyat yurituvchi jihodchilar safiga qo‘shilib qolgani aniqlandi. Bu haqda IIBB xabar berdi.
Ma’lum qilinishicha, Ziyovuddin Nuriddinov 1991-yil Toshkent shahrida tug‘ilgan. Suriyadagi Islom xalqaro terrorchilik tashkiloti a’zosi. U 2013-yil Turkiyaga ishlash maqsadida borib, Istanbulda yashirin ravishda faoliyat yuritib kelayotgan Jihodchilar diniy ekstremistik tashkilotining a’zolari bilan tanishib qolgan.
Jihodchilar tomonidan olib borilgan kuchli ruhiy da’vat natijasida u 2014-yil Islom davlati xalqaro terrorchilik tashkilotiga borib qo‘shilgan. Fuqaroga nisbatan huquq tartibot idoralari tomonidan Jinoyat kodeksining 155-modda, 244-moddalari bilan jinoyat ishi qo‘zg‘atilib qidiruvga berilgan.
Izoh (0)