Ijtimoiy tarmoqlarda “Guliston tumanida suvchilar kaltaklanibdi” sarlavhasi ostida video tarqalgan. Holat Guliston tumani IIB masʼul xodimlari tomonidan o‘rganildi.
Unga ko‘ra, “Sirdaryo suv taʼminot” AJ ning Guliston tumani bo‘limi xodimlari fuqarolarning ichimlik suvlaridan mavjud bo‘lgan qarzdorliklarni undirish yuzasidan Guliston tumani, “Sohil” mahallasida yashovchi fuqaro S.U.ning yashash xonadoniga borgan. Ular ichimlik suvidan oldindan mavjud bo‘lgan qarzdorligini bir necha marotaba yuborilgan ogohlantirishlarga qaramasdan to‘lamasdan kelayotgani sababli ushbu xonadonni ichimlik suvi tarmog‘idan uzush uchun borgan vaqtlarida xonadon egasi va uning farzandi masʼullarga qarshilik ko‘rsatib ularni haqoratlagani aniqlangan.
Ushbu holat yuzasidan olib borilayotgan tergovga qadar tekshiruv harakatlari davomida Sirdaryo suv taʼminot” AJ ning masʼul xodimlarida tan jarohatlari aniqlanmagan. Hozirda mazkur holat yuzasidan tergovga qadar tekshiruv harakatlari olib borilmoqda.
Izoh (0)