Elsaid Hyusay qaynotasi bilan yonayotgan Ferrari'dan qochib omon qolgan.
Voqea dushanba, 8-aprel kuni Rimda sodir bo‘lgan. Noma’lum sabablarga ko‘ra, futbolchi qaynotasi bilan birga ketayotgan mashina to‘satdan yonib ketgan va eshiklari qulflangan. Bu manzaraga uning rafiqasi boshqa mashinadan guvoh bo‘lgan.
Hyusay va qaynotasi butunlay yonib ketgan mashinadan tushishga muvaffaq bo‘lishgan. Yong‘inga dvigatelning noto‘g‘ri ishlashi sabab bo‘lgani taxmin qilinmoqda.
Ta’kidlanishicha, mashina yaqinda sotib olingan, Hyusay buning uchun 160 ming yevro to‘lagan. Futbolchi voqea yuzasidan Ferrari kompaniyasiga shikoyat yo‘llagan.
Himoyachi ushbu hodisada jarohat olmadi va “Latsio” bilan muntazam mashg‘ulotlarda qatnashdi. Joriy mavsumda albaniyalik futbolchi A Seriyaning 15 ta o‘yinida qatnashdi.
Izoh (0)