Toshkent shahar Uchtepa tumanida 11 yoshli qizga jinsiy jinoyat qilgan erkakka hukm o‘qildi. Bu haqda Bolalar ombudsmani xabar berdi.
Unga ko‘ra, 12-mart kuni Jinoyat ishlari bo‘yicha Uchtepa tumani sudida bolaga (2013-yilda tug‘ilgan qizga) nisbatan sodir etilgan jinsiy jinoyat (Jinoyat kodeksining 129 moddasi, 2 qismi, “v” bandi) yuzasidan yopiq tarzdagi sud protsessi bo‘lib o‘tdi. Bola manfaatlarini himoya qilish nuqtayi nazaridan Bolalar ombudsmani o‘z vakolatlari doirasida mazkur ish hujjatlari bilan tanishib chiqdi.
Sud ushbu jinoyatni har tomonlama, xolisona o‘rgangan ravishda, mavjud dalillardan va ish uchun ahamiyatli boshqa holatlardan kelib chiqib, sudlanuvchini aybli deb topdi hamda unga amaldagi Jinoyat qonuni doirasidagi jazo chorasi – 3 yil ozodlikdan mahrum qilish jazosini tayinladi.
Izoh (0)