O‘simlik kasalliklari kakao hosilini yo‘q qilmoqda, so‘nggi olti oy ichida uning narxi uch baravar oshdi. Bu esa shokoladning qimmatlashishiga sabab bo‘lmoqda. Bu haqda manbalarga tayanib, Euronews xabar berdi.
![](/static/2024/03/07/1674521858_catherineasquithgallery-com-p-foni-kakao-shokolad-2-5qljQYJc.jpg)
Kakao narxining oshishi shokolad narxiga ham ta’sir ko‘rsatmoqda. Noqulay ob-havo sharoiti kakao dukkaklarining kasallanish sabablaridan yana biri hisoblanadi. Jahon bozoridagi kakao hajmining yarmidan ko‘pi Gana va Kot-d’Ivuar tomonidan yetkazib beriladi.
![](/static/2024/03/07/photo_2024-03-07_07-33-19-nIj_eke6.jpg)
Qayd etilishicha, Yevropa Ittifoqi Kot-d’Ivuar va Ganada yetishtiriladigan kakao dukkaklarining eng yirik xaridori hisoblanadi. Bloomberg hisob-kitoblariga ko‘ra, 2018 va 2021-yillar oralig‘ida YI davlatlari Afrika mamlakatidan yiliga o‘rtacha 3 milliard dollarlik kakao xarid qilgan.
Fevral oyida kakao dukkaklarining jahon narxi rekord darajadagi 1t uchun 6000 dollargacha ko‘tarilgan. Yil boshidan beri kakao dukkagi bir yarim barobarga, 2022-yildan beri esa 130 foizga qimmatlashgan.