“Spartak” hujumchisi Kvins Promes Dubay politsiyasi tomonidan 29-fevral kuni qo‘lga olingan.
Avvalroq Amsterdam sudi uni narkotik moddalar kontrabandasida ayblab, 6 yilga ozodlikdan mahrum etish jazosini tayinlagan edi. Shundan so‘ng futbolchi xalqaro qidiruvga berilgan.
Bundan tashqari, Kvins Promes qarindoshi bilan pichoqlashgani uchun 1,5 yillik qamoq jazosiga ham hukm qilingan. Promes hech qaysi sudda ishtirok etmagan va jazolarni o‘tamagan.
Shunday qilib sportchini umumiy 7,5 yillik qamoq jazosi kutmoqda.
Futbolchi “Spartak” jamoasi bilan BAA davlatida mashg‘ulotlarda ishtirok etgan, ammo jamoa bilan qaytishni reja qilganida “Al Maktum” aeroportida ushlangan va Dubay politsiya mahkamasiga olib kelingan.
Izoh (0)