Jambil viloyatining Olmaota—Toshkent trassasida yo‘lovchi avtobusi yonib ketdi. Bu haqda Qozog‘iston Favqulodda vaziyatlar vazirligi xabar berdi.
![](/static/2024/03/01/photo_2024-03-01_08-11-17-V5vaVpV7.jpg)
Voqea joyiga o‘t o‘chiruvchilar yetib kelguniga qadar 29 nafar yo‘lovchi mustaqil ravishda avtobusdan tushib, yo‘l-yo‘lakay mashinalarga o‘tirgan. Hozirda yong‘in o‘chirilgan.
Qurbonlar va jarohatlanganlar yo‘q. Yong‘inning dastlabki sababi elektr simlardagi qisqa tutashuvdir.
Favqulodda vaziyatlarni bartaraf etish uchun 9 nafar shaxsiy tarkib va texnikalar jalb qilingan.