Venesuela hukumati AQSHni Argentina rasmiylari ishtirokida Aerocargos del Sur (Emtrasur) aviakompaniyasiga tegishli Boeing 747-300 samolyotini o‘g‘irlaganlikda aybladi. Bu haqda Venesuela tashqi ishlar vaziri Ivan Gil Pinton o‘zining X ijtimoiy tarmog‘ida xabar berdi.
Ma’lum qilinishicha, Venesuela avialaynerni qaytarish uchun barcha choralarni ko‘radi.
“Venesuela Bolivar respublikasi 12-fevral kuni AQSH va Argentina hukumatlari til biriktirish natijasida Emtrasur transport kompaniyasiga tegishli bo‘lgan YV3531 davlat raqamiga ega Boeing 747-300 samolyoti o‘g‘irlanganiga qat’iyan qarshilik qiladi”, — deydi Ivan Gil Pinton.
Bayonotda ushbu kompaniyaning huquqlari va fuqarolik aeronavtikasi normalari qo‘pol ravishda buzilgani ko‘rsatilgan va bu havo qatnovi xavfsizligiga tahdid solayotgani aytilgan. Shuningdek, vazirlik Venesuela bu harakatga mutanosib javob berishi va buning uchun “milliy konstitutsiya, diplomatiya va xalqaro huquq doirasida barcha mavjud vositalardan” foydalanishi ta’kidlanadi.
Izoh (0)