Tailandda qirolni tanqid qilgan erkak 50 yilga qamaldi

Tailandlik demokratiya tarafdori Mongkol Tirakot Facebook da monarxiya va qirollik oilasini tanqid qilgan postlari uchun rekord darajadagi 50 yillik qamoq jazosiga hukm qilindi.

30 yoshli Tirakota qirolni haqorat qilgani uchun tegishli qonunga asosan misli ko‘rilmagan uzoq muddatli qamoq jazosiga hukm qilindi, deb yozadi The Guardian. 

Sud dastlab unga 28 yillik qamoq jazosini tayinlagan. Erkak hukmni bekor qilish yoki hech bo‘lmaganda jazoni qisqartirish umidida apellyatsiya shikoyati bergan. Ammo Tailand shimolidagi Chiangray shahridagi apellyatsiya sudi faolning akkauntida yana 11 ta “kirminal” postni topib, uning jazo muddatini 50 yilga oshirdi.

Bungacha 2021-yilda Tailandning yana bir fuqarosiga chiqarilgan hukm — 43 yillik qamoq eng qattiq jazo sanalardi.

Mongkol Tirakot onlayn kiyim do‘konining egasi. U unchalik ham mashhur demokratiya tarafdori bo‘lmagan, Facebook da bor-yo‘g‘i 950 nafar obunachisi bor. U birinchi marta 2021-yilda Tailandda o‘n minglab odamlar ishtirokidagi ommaviy siyosiy norozilik namoyishlari paytida hibsga olingan. Oxir oqibat, ushbu harakatlarda ishtirok etgan 250 dan ortiq ishtirokchilarga “haqorat qilish” moddasi bo‘yicha ayblov qo‘yildi.