Futbol bo‘yicha Yevropa Ligasining 1/8 finalga o‘tish o‘yinlariga 18-dekabr, dushanba kuni qur’a tashlandi.
O‘tish bahslarida 16 ta jamoa ishtirok etadi: Yevropa Ligasi guruh bosqichida 2-o‘rinni egallagan 8 jamoa va Chempionlar Ligasi guruh bosqichida 3-o‘rinni egallagan yana 8 jamoa.
Ushbu bahslarning g‘oliblari 1/8 finalda Yevropa Ligasi guruh bosqichida yetakchilikni qo‘lga kiritgan jamoalarga qarshi o‘ynaydi. “Vest Hem”, “Brayton”, “Reynjers”, “Atalanta”, “Liverpul”, “Vilyarreal”, “Slaviya” va “Bayer” to‘g‘ridan-to‘g‘ri nimchorak finalga yo‘l olgan.
Yevropa Ligasi o‘tish o‘yinlari juftliklari quyidagi ko‘rinishni oldi:
- “Feyenoord” — “Roma”
- “Milan” — “Renn”
- “Lans” — “Frayburg”
- “Yang Boys” — “Sporting”
- “Benfika” — “Tuluza”
- “Braga” — “Karabax”
- “Galatasaroy” — “Sparta Praga”
- “Shaxtyor” — “Marsel”
O‘tish o‘yinlarining dastlabki uchrashuvi 15-fevralda, javob bahslari esa 22-fevralda o‘tkaziladi.
