Yevrokomissiya rahbari Ukrainaning Yevropa Ittifoqiga qo‘shilish shartlarini aytdi

Ukrainaning Yevropa Ittifoqiga qo‘shilishi vaqt va Kiyev tomonidan barcha zarur shartlar bajarilishini talab qiladi, dedi Yevrokomissiya rahbari Ursula fon der Lyayen Le Parisien gazetasiga bergan intervyusida.

Yevropa Ittifoqining payshanba va juma kunlari bo‘lib o‘tadigan sammitida aʼzolikning o‘zi emas, balki aʼzolik bo‘yicha muzokaralar boshlanishi muhokama qilinadi, bu har qanday holatda ham vaqt talab etadi. Albatta, Yevropa Ittifoqiga qo‘shilish a’zolikning barcha shartlari bajarilgandan keyingina amalga oshishi mumkin, — dedi u.

14—15-dekabr kunlari Bryusselda Yevropa Ittifoqi sammiti bo‘lib o‘tadi, unda Ukrainaning ittifoqqa aʼzoligi bo‘yicha muzokaralar boshlanishi kerak. Ammo Vengriya mamlakatning Yevropa Ittifoqiga kirishiga qarshi.

Ukraina dunyodagi eng korrupsiyalashgan mamlakatlardan biri, — dedi Orban va bu uning Yevropa Ittifoqiga hozircha qabul qilina olmasligiga sabablardan biri ekanini ta’kidladi.

Bundan tashqari, Orbanning fikricha, Kiyevning hamjamiyatga a’zoligi masalasida iqtisodiy holat ham hisobga olinishi kerak: 

“Ukraina muhim qishloq xo‘jaligi sektoriga ega yirik davlat. Agar ushbu qishloq xo‘jaligi tarmog‘ining Yevropa tizimiga kirishiga ruxsat berilsa, u tizimni yo‘q qiladi”