Toshkent shahri filologiya maktabida 8-sinf o‘quvchisi ochiq qolgan elektr tokiga tegib ketish natijasida vafot etgani haqida xabarlar tarqalgandi. Bosh prokuratura bolaning o‘limi yuzasidan dastlabki xulosani “Daryo”ga ma’lum qildi.
Aniqlanishicha, Mirzo Ulug‘bek tumanidagi 99-sonli umumtaʼlim maktabi 8-“I” sinf o‘quvchisi A.A. maktab hovlisidagi sport maydonidan chiqib ketayotganida boshi bilan yiqilib, og‘zi ko‘pirib, biroz titrab, so‘ng hushidan ketgan.
Maktab xodimlari tomonidan zudlik bilan tibbiy tez yordamga qo‘ng‘iroq qilingan, oradan taxminan 15 daqiqa o‘tgach, u tez yordamda 15-sonli Respublika kardiologiya markaziga olib kelingan. Ko‘rsatilgan tibbiy muolajalarga qaramasdan, vafot etgan.
STEning dastlabki xulosaga ko‘ra, bolaning o‘limi elektr jarohati, elektr toki yoyidan zaharlanish, o‘tkir nafas yurak-qon tomir yetishmovchiligi, bosh miya va o‘pka shishi, chap qo‘l kaft sohasi elektr tamg‘asi natijasida yuz bergan.
Hozirda mazkur holat yuzasidan tuman prokuraturasi tomonidan tergovga qadar tekshiruv harakatlari olib borilmoqda.
Izoh (0)