Janubiy Koreyada ishlayotgan 31 nafar o‘zbekistonliklarning pullari undirib berildi. Bu haqda Tashqi mehnat migratsiyasi agentligi matbuot xizmati xabar berdi.
Unga ko‘ra, agentlikning Koreyadagi vakolatxonasi tomonidan 2023-yilning oktyabrida 5 nafar fuqaro murojaati asosida 20 526 310 koreys voni (15 180 dollarga yaqin) miqdorida oylik ish haqi va sug‘urta mablag‘larini olishda amaliy yordam ko‘rsatildi.
Ma’lum qilinishicha, 2023-yilning o‘tgan davrida vakolatxona tomonidan yuridik tashkilotlar bilan hamkorlikda Janubiy Koreyada vaqtincha mehnat faoliyatini amalga oshirayotgan 31 nafar o‘zbekistonlikning 174 496 dollar miqdoridagi sug‘urta, kompensatsiya hamda oylik ish haqi mablag‘lari undirib berildi.
Izoh (0)