Toshkent xalqaro aeroporti ro‘parasidagi yo‘l o‘tkazgichga chiqish oldida joylashgan aylana markaziga O‘zbekiston bayrog‘i o‘rnatildi.
.jpg)
“Gazeta.uz”ning poytaxt hokimligiga tayanib yozishicha, flagshtokning balandligi 62 metrni tashkil etadi, bayroq o‘lchami esa 12x24 metr.
O‘zbekiston bayrog‘i atofiga balandligi 16 metrga teng 38 ta flagshtok ham o‘rnatilgan bo‘lib, ularga 2x4 metr o‘lchamdagi bayroqlar ilinadi. Mazkur bayroqlar shaharda o‘tkaziladigan milliy yoki xalqaro voqealar hamda xorijiy delegatsiyalar tashriflaridan kelib chiqib o‘zgarib turadi.
O‘zbekistondagi eng baland davlat bayrog‘i 2019-yilda Farg‘onada o‘rnatilgan. Uning balandligi 67 metr bo‘lib, hajmi 20 metrga 10 metrdir. Toshkent shahrida 65 metr, Toshkent viloyatida 50 metr, Andijonda 64 metr, Buxoroda 65 metr, Navoiyda 62,5 metr, Namanganda 35-metr, Samarqandda 60 metr va Urgutda 62 metr, Qashqadaryoning Dehqonobod tumanida 40 metr balandlikda bayroq o‘rnatilgan. 2021-yil aprelda O‘zbekiston mustaqilligining 30 yilligi arafasida Qarshidagi Mustaqillik maydonida balandligi 62,5 metrga teng davlat bayrog‘i o‘rnatilishi aytilgandi.
Izoh (0)