Futbol bo‘yicha Osiyo Chempionlar Ligasining 2-turida “Al-Hilol” “Nassaji Mozandaron”ga qarshi bahs olib boradi.
OCHL doirasidagi uchrashuv 3-oktabr kuni Eron klubining “Ozodi” stadionida bo‘lib o‘tadi.
Saudiya Arabistoni chempionati xabarlarini fransuz tilida yuritadigan akkaunt Eron jamoasi stadionidan qisqa lavhani X (Twitter)ga joyladi.
“‘Al-Hilol’ va ‘Nassaji’ uchrashadigan ‘Ozodi’ stadioni. Dahshat”, — deyiladi videoda.
“Bo‘lishi mumkin emas!”, — deb yozib qoldirgan Neymar tvit ostiga.
Eslatib o‘tamiz, ushbu jamoalar D guruhidan joy olgan. Namanganning “Navbahor” jamoasi ham aynan shu guruhda harakat qilmoqda. 1-turda “Al-Hilol” “Navbahor” bilan 1:1 hisobida durang qayd etgan bo‘lsa, “Nassaji Mozandaron” “Mumbai Siti” ustidan g‘alaba qozongandi.
Izoh (0)