Anqaradagi Turkiya Ichki ishlar vazirligi binosi yaqinida xudkush-terrorchi portlovchi qurilmani ishga tushirdi. Bu haqda CNN Turk xabar berdi.
Ichki ishlar vazirligi rahbari Ali Yerlikayaga ko‘ra, 1-oktyabr kuni ikki terrorchi kichik furgonda vazirlik binosi yaqinidagi darvoza oldida to‘xtagan. Ulardan biri portlovchi qurilmani ishga tushirib, halok bo‘lgan. Ikkinchisi esa zararsizlantirilgan.
Reuters nashrining yozishicha, zararsizlantirish hujumchi politsiya tomonidan otib tashlanganini anglatadi. Hodisa oqibatida ikki politsiyachi yengil jarohat olgan, Turkiya IIV rahbari boshqa tafsilotlarni oshkor qilmagan.
“Bizning kurashimiz oxirgi terrorist zararsizlantirilgunga qadar davom etadi”, — dedi Yerlikaya.
Hozircha Turkiyada faoliyat yuritayotgan hech bir tashkilot portlash uchun mas’uliyatni o‘z zimmasiga olgani yo‘q va rasmiylar ham, ularning fikricha, hujum ortida kim turganini e’lon qilmagan.
Terrorchilar Amerika va Rossiyada ishlab chiqarilgan qurollar bilan qurollangani aytilmoqda:
- RPO-A “Shmel” reaktiv piyoda o‘t ochuvchi qurol, Rossiyada ishlab chiqarilgan.
- Amerikaning Colt M4 Carbine avtomati.
Turkiya xavfsizlik kuchlarining asosiy versiyasi shuki, bu qurollar Turkiyaga Suriyadan kelgan.
.jpg)
Izoh (0)