Futbol bo‘yicha Fransiya chempionatining 6-turida “PSJ” 24-sentabr, yakshanba kuni “Marsel”ga qarshi bahs olib bordi.
Uchrashuvning 8-daqiqasida Ashraf Hakimi jarima zarbasidan gol urib, hisobni ochdi. 32-daqiqada Kilian Mbappe jarohat olib, maydonni tark etdi. Uning o‘rnini Gonsalu Ramush egalladi. 37-daqiqada Kolo-Muani hisobni ishonchli ko‘rinishga olib keldi.
Ikkinchi bo‘lim ham parijliklarning bosimi ostida boshlandi. 47-daqiqada Mbappening o‘rniga tushgan Ramush gol urdi. 89-daqiqada Gonsalu dublni rasmiylashtirdi va jamoasining yirik g‘alabasiga hissa qo‘shdi.
Parij klubi ochkolari sonini 11 taga yetkazdi va 3-o‘ringa ko‘tarilib oldi.
Liga 1
5-tur bahsi
24-sentabr, yakshanba
“PSJ” – “Marsel” 4:0
Gollar: 1:0 – 8 Hakimi, 2:0 – 37 Kolo-Muani, 3:0 – 47 Gonsalu Ramush, 4:0 – 89 Gonsalu Ramush.
“PSJ”: Donnarumma, Hakimi (Mukiele, 83), Markinyos, Shkrinyar, Ernandes (Danilu Pereyra, 69), Ugarte, Zair-Emeri, Dembele (Fabian Ruis, 69), Mbappe (Gonsalu Ramush, 32), Kolo-Muani, Barkolya (Soler, 83).
“Marsel”: Lopes, Kloss (Nadir, 84), Mbemba, Jigo, Balerdi (Meite, 83), Lodi, Veretu, Ronje, Unai (Harit, 46), Obameyang (Korrea, 75), Vitinya (Ndiay, 46).
Ogolantirishlar: Jigo (73), Veretu (82), Lodi (85).
Izoh (0)