Futbol bo‘yicha Fransiya chempionatining 3-turida “PSJ” 26-avgust, shanba kuni “Lans”ga qarshi bahs olib bordi.
Birinchi bo‘lim so‘ngida Marko Asensio parijliklarni hisobda oldinga olib chiqdi. Ikkinchi bo‘lim ham “PSJ”ning faolligi bilan boshlandi. 52-daqiqada Kilian Mbappe ham o‘z hisobiga gol yozdirib qo‘ydi. O‘yin so‘ngida esa Mbappe dublni rasmiylashtirdi. 90+5-daqiqada Gilavogi hisobni qisqartirishga erishdi. Yakunda Luis Enrike shogirdlari ishonchli g‘alabani rasmiylashtirdi.
Qayd etib o‘tish joiz, “Lans” tarkibida harakat qiladigan o‘zbekistonlik futbolchi Abduqodir Husanov bugun maydonga tushirilmadi.
“PSJ” ketma-ket ikkita durangdan so‘ng nihoyat mavsumdagi ilk g‘alabasini qo‘lga kiritdi. Ochkolari sonini 5 taga yetkazgan Parij klubi turnir jadvalida 4-o‘ringa ko‘tarilib oldi.
Liga 1
3-tur bahsi
26-avgust, shanba
“PSJ” – “Lans” 3:1
Gollar: 1:0 – 45 Asensio, 2:0 – 52 Mbappe, 3:0 – 90+1 Mbappe, 3:1 — 90+5 Gilavogi.
“PSJ”: Donnarumma, Hakimi, Markinyos, Shkrinyar, Ernandes (Danilu Pereyra, 83), Ugarte, Vitinya, Zair-Emeri (Soler, 86), Dembele (Fabian Ruis, 80), Asensio, Mbappe.
“Lans”: Samba, Gradi, Danzo, Medina, Machado, Frankovski (Le Kardinal, 46), Tomasson (Vai, 58), Fyuljeni (Gilavogi, 74), Abdul-Samed (Spirings, 46), Diuf (David Koshta, 83), Sotoka.
Ogohlantirishlar: Medina (19), Sotoka (42), Spirings (79), Machado (82), Gradi (87).
