O‘zbekiston Buyuk Britaniyaning xalqaro so‘z va axborot erkinligini qo‘llab-quvvatlovchi Article 19 tashkilotining so‘z erkinligi reytingida yuqoriladi.
2022-yil yakunlariga ko‘ra tuzilgan The Global Expression Report reytingiga ko‘ra, O‘zbekiston 161 ta davlat ichidan 133-o‘rinni egalladi. 2021-yilgi natija bilan taqqoslaganda respublika uch pog‘onaga ko‘tarildi.
Ushbu reytingda Markaziy Osiyo davlatlari quyidagicha o‘rin oldi:
- Qirg‘iziston — 104-o‘rin;
- Qozog‘iston — 121-o‘rin;
- Tojikiston — 149-o‘rin;
- Turkmaniston — 159-o‘rin.
Reytingda eng yuqori o‘rinlardan Daniya, Shvetsiya, Norvegiya, Shveysariya va Finlandiya joy oldi. Oxirgi o‘rinda Shimoliy Koreya qayd etildi.
Reytingni tuzishda 25 ta ko‘rsatkich, jumladan, internet va OAVlardagi senzura, diniy e’tiqod erkinligi, akademik va madaniy muhit va boshqalar hisobga olinadi.
Izoh (0)