Andijonda 18–20-iyul kunlari “Dunyo sadolari” xalqaro milliy estrada sanʼati festivali bo‘lib o‘tadi.
Xonobod shahrida tashkil etiladigan festivalda Chexiya, Bolgariya, Latviya, Polsha, Serbiya, Gruziya, Boshqirdiston, Qozog‘iston, Gretsiya, Tojikiston va boshqa bir nechta davlatlardan jami 30 dan ortiq ishtirokchi qatnashishi kutilmoqda.
Shuningdek, Qoraqalpog‘iston, Toshkent shahar va viloyatlardan kelgan badiiy jamoalar (400 nafar ishtirokchi) o‘zlari uchun ajratilgan maydonlarda 3 kun davomida chet ellik mehmonlar va fuqarolar uchun konsert dasturlarini namoyish etadi.
Festival doirasida 14-iyul kuni Xonobod shahrining yoshlar markazida estrada yo‘nalishida qatnashish istagini bildirgan fuqarolar uchun tanlov bo‘lib o‘tadi. Tanlovda saralab olingan ishtirokchilar festivalning asosiy qismlarida ishtirok etadi.
Festivalning ochilish marosimi 18-iyul kuni Xonobod shahrining madaniyat va istirohat bog‘ida bunyod etilgan asosiy sahna qismida bo‘lib o‘tadi.
Izoh (0)