Ispaniyada rekord darajadagi issiq havo kuzatilmoqda. Sevilya va Kordovada harorat 48 darajadan oshiqni ko‘rsatmoqda, deb xabar berdi MIR 24.
Hududlarda xavfning “qizil” darajasi e’lon qilindi. Ochiq havoda ishlaydigan odamlar uchun ish kuni qisqartirildi. Issiq harorat allaqachon fojiali oqibatlarga olib keldi: 47 yoshli ferma ishchisi issiq urishdan vafot etdi.
Sayyohlar va mahalliy aholi kafe hamda muzeylarda quyoshdan yashirinmoqda. Ammo muzdek suv, shlyapa va quyoshga qarshi krem sotuvchilarining daromadi sezilarli darajada oshdi.
2022-yildagi yoz fasli shu paytgacha Yevropadagi eng issiq yoz hisoblangandi. Ammo meteorologlarning ta’kidlashicha, har bir keyingi yil yanada issiqroq bo‘ladi. Bu yil bahorda Ispaniyada harorat taxminan 35 darajani tashkil etdi, bu odatdagidan ancha yuqori hisoblanadi.
