Xitoy yetakchisi Si Szinpin AQSH davlat kotibi Entoni Blinken bilan uchrashdi. Bu haqda Sinxua agentligi xabar bermoqda.
Uchrashuv Pekinda bo‘lib o‘tmoqda — Blinken Xitoy poytaxtiga ikki kunlik tashrif bilan kelgan.
Si va Blinkenning uchrashuvi so‘nggi daqiqagacha noma’lum bo‘lib turdi. Rasmiy ravishda Davlat departamenti uchrashuv 19-iyungacha o‘tkazilmasligini bildirgandi.
Blinken AQSH prezidenti Jo Bayden lavozimiga kirishganidan beri Xitoyga tashrif buyurgan eng yuqori martabali amerikalik amaldor hisoblanadi.
Blinken bilan uchrashgan Xitoy tashqi ishlar vaziri Sin Gan Xitoy—AQSH munosabatlari ikki davlat o‘rtasida diplomatik aloqalar o‘rnatilganidan beri eng past darajaga tushganini aytdi. Sin Gan Xitoy—AQSH munosabatlaridagi asosiy muammo Tayvan ekanini qo‘shimcha qildi. Uning ta’kidlashicha, AQSH orol mustaqilligini qo‘llab-quvvatlamasligi kerak.
Entoni Blinkenning tashrifi AQSH prezidenti Jo Bayden va Xitoy rahbari Si Szinpin o‘rtasidagi uchrashuvlarga zamin yaratishi kutilmoqda. Avvalroq Bayden yaqin oylarda Si bilan uchrashishga umid qilayotganini aytgan.
Izoh (0)