Qashqadaryo viloyati Chiroqchi tumanida g‘allasi o‘rib olingan 5 gektar yer yonib ketdi. Bu haqda viloyat FVB matbuot xizmati xabar berdi.
7-iyun kuni tumanning “Yangi qishloq” va “Langar” MFY hududlaridagi g‘alladan bo‘shagan dala maydonlarida yong‘in sodir bo‘lgan.
Dastlab, qutqaruv xizmatiga soat 10:20 larda “Langar” MFY Tutli qishlogʼidagi dala maydonlarining birida qurigan xas-xashak yonayotgani to'g'risida xabar kelib tushgan. Xabarga ko‘ra, yong‘in-qutqaruv bo'linmasi voqea joyiga soat 11:10 larda yetib borgan va mahalliy aholi yordamida o‘chirib olingan.
Tumanning “Yangi qishloq” MFYda g‘allasi o‘rib olingan dala maydonida sodir bo‘lgan yong‘in haqida soat 17:22 larda kelib tushgan. Voqea joyiga 2 ta bo‘linma yetib borib, yong‘inni soat 18:08 larda o‘chirgan. Yong'in oqibatida 5 gektar g‘alladan bo‘shagan maydon (somon) yongan.
Hozirda ro‘y bergan yong‘inlar sababiga aniqlik kiritilmoqda.