Toshkentda aholi murojaatini o‘rganayotgan jurnalistni noma’lum shaxs haqorat qilgani aks etgan video tarqalib, turli muhokamalarga sabab bo‘lgandi. Sud hukmi bilan ushbu shaxs javobgarlikka tortildi.
Poytaxt IIBB matbuot xizmati bergan ma’lumotga ko‘ra, voqea 3-iyun kuni Mirzo Ulug‘bek tumani Osiyo ko‘chasidagi ko‘p qavatli uylardan birining oldida yuz bergan. 1993-yilda tug‘ilgan M.Ya. jamiyatda yurish-turish qoidalarini mensimasdan MY5 telekanali jurnalisti bo‘lgan N.Teshayev bilan og‘zaki janjallashib, jamoat tartibini buzgan.
Mazkur holat yuzasidan Ma’muriy javobgarlik to‘grisidagi kodeksning 183-moddasi (mayda bezorilik) bilan ma’muriy bayonnoma rasmiylashtirilgan.
Jinoyat ishlari bo‘yicha Mirzo Ulug‘bek tuman sudining 5-iyundagi qaroriga ko‘ra M.Ya.ga 5 sutka ma’muriy qamoq jazosi tayinlangan.
Izoh (0)